 
Միջնադարյան Հայաստանի մեծահռչակ
Անի մայրաքաղաքը 4-5 հարյուրամյակ
եղել է երկրի տնտեսական ու քաղաքական կյանքի,
մշակույթի, հասարակական հարաբերությունների
գլխավոր կենտրոնը:
Անին տնտեսական ու մշակութային կապերով
առնչվում էր հարևան ու հեռավոր երկրների`
Վրաստանի, Աղվանքի, Պարսկաստանի, Հնդկաստանի,
Միջին Ասիայի, Բյուզանդիայի,
Միջագետքի, Հարավային Ռուսիայի, Լեհաստանի,
Ռումինիայի, Հունգարիայի և, նույնիսկ, հեռավոր Չինաստանի հետ:
Լինելով Մերձավոր Արևելքի խոշորագույն
քաղաքներից մեկը և ունենալով այդպիսի լայն
կապեր` այն իր պատմական ընթացքով ու
հասարակական տնտեսական-սոցիալական
հարաբերությունների արտահայտումներով
բանալի է տալիս լուսաբանելու ոչ միայն Հայաստանի,
այլև հարևան երկրների միջնադարյան քաղաքների պատմության
հետ կապված զգալի թվով հարցեր:
Նրա պատմությունը ընթերցողների լայն շրջանների
համար մեծ հետաքրքրություն կարող է ներկայացնել:
Առանձնահատուկ ուշադրություն է դարձված
վաղեմի քաղաքի տնտեսական կապերին,
հուշարձաններին ու հնություններին,
նրա ավերակների և ամենատարբեր կողմեր
արտագաղթած հազարավոր բնակիչների ճակատագրին:
|