Ըստ ավանդության` Գրիգոր Լուսավորիչը, քարոզելով քրիստոնեությունը Հայաստանում, մի օր երազ է տեսնում` Հիսուս Քրիստոսը, ոսկյա մուրճը ձեռքին, իջնում է երկնքից և հարվածում է այնտեղ, որտեղ գտնվում էր հեթանոս տաճարը: Առավոտյան Լուսավորիչը պատմում է իր երազը Տրդատ թագավորին, վերջինս էլ կանգնեցնում է այդ տեղում տաճարը, որը անվանում է «Էջմիածինե (իջավ միածինը):
Իր դարավոր պատմության ընթացքում Էջմիածինն ոչ միայն հայ առաքելական եկեղեցու կենտրոնն էր հանդիսանում, ալյ նաև հնագույն ժամանակներից հայ մշակութային կենտրոն էր: Էջմիածնի գլխավոր հուշարձաններն են Մայր տաճարը, ս. Հռիփսիմե, ս. Գայանե, և Ս. Շողակաթ եկեղեցիները:
Շողակաթ միջնադարյան եկեղեցին գտնվում է Էջմիածնում։ Ըստ ավանդության հիմնադրվել է այն տեղում, ուր Հռիփսիմյան քրիստոնյա նահատակների վրա «շող է կաթելե։ Այժմյան «գմբեթավոր դահլիճիե հորինվածքով եկեղեցին կառուցվել է 1694թ-ին
Հռիփսիմեի տաճարը հիմնադրել է Կոմիտաս Ա Աղցեցի կաթողիկոսը պատմական Վաղարշապատ քաղաքի պարիսպներից դուրս 618թ.-ին։
Ս.Գայանեի եկեղեցին կառուցել է Եզր կաթողիկոսը Վաղարշապատում, 630թ.-ին։ 1652թ.-ին նորոգվել են պատերը, ծածկը։ 1683թ.-ին ճակատին կից կառուցվել է սրահ։ Ս.Գայանեի եկեղեցին VIIդ. 1-ին կեսի գմբեթավոր բազիլիկ տիպի օրինակ է։ Պատուհանների երեսակալները բնորոշ են VIIդ.։ Աչքի է ընկնում պարզությամբ, ճարտարապետական-գեղարվեստական միջոցներով, համոզիչ տարածական ձևերով, տպավորիչ ներքին հարդարանքով:

Էջմիածնից երեք կիլոմետր հեռավորության վրա գտնվում է Զվարթնոց տաճարի ավերակները: Այն կառուցվել է 7 -դ դարում Ներսես շինարարի կոմից: 10-դ դարում այն ավերվել է երկրաշարժից: Ենթադրաբար Զվարթնոցի տարածքում է եղել Տիր աստծո մեհյանը։ Հայկական ճարտարապետության մեջ Զվարթնոցը նորատիպ կառույց էր։ Հետագա դարերում հայկական ճարտարապետությունը մեծապես կրել է Ջվարթնոցի ազդեցությունը։ Ջվարթնոցը հայկական շինարվեստի, քանդակագործության, դեկորատիվ արվեստի յուրօրինակ հանրագումարն էր, Հայաստանի քաղաքակրթական ընդհանուր զարգացման արգասիքը։
1937թ.-ին Ջվարթնոցի ավերակներից ոչ հեռու կառուցվել է փոքրիկ թանգարան, որտեղ ցուցադրվում են պեղված նյութերը։



Էքսկուրսիայի արժեքը 1 անձի հաշվարկով`

2 անձ 4-6 անձ 8-15 անձ

20.000 AMD 14.000 AMD 8.000 AMD



Գնի մեջ ներառված է տրանսպորտը, տոմսերը և գիդ-էքսկուրսավարի ծառայությունը

Ցանկության դեպքում ընթրիք ռեստորանում - 5 000 AMD (ներառյալ ալկոհոլային խմիչքները)